Димитар Андоновски

Димитар Андоновски живее во Би­тола (роден е на 6. септември 1985. годи­на, во знакот на Девица), и уште од најма­ли денови прилично активно влезе во му­зичките води, пред се како ученик во нижо музичко училиште. Димитар, кој сега е чет­врта година во Средно музичко (отсек вио­лина) е прв од семејството Андоновски кој има намера музиката да биде неговата жи­вотна определба, особено што в година има намера да се запише на музичката академи­ја во Скопје. Првото пејачко искуство, пак, Димитар го имаше во 1994. година на дет­скиот фестивал Си-До, каде ја отпеа, тогаш многу популарната Кога Ема би знаела, по што се појави и во телевизиската серија Здраво генијалци, и оттогаш, како што сами­от вели, постојано е во музиката. Заради тоа што за караванот на М2 лани беше ин­формиран со задоцнување, годинава, ниш­то не им остави на случајностите, туку, вед­наш откако ја виде рекламата, се пријави на аудицијата во Битола.
Димитар, инаку, е момче кое што модерно изгледа и се облекува, ги следи трендови­те, иако, кога станува збор за музиката има широк дијапазон на интересите и слуша се – од класиката, до електрониката. И пред да стане дел од тимот финалисти, Димитар важеше за голем фан на М2 продукција, а истото го потврди со тоа што на полуфиналето ја отпеа Ми требаш како молитва на Игор Узунов. Се­пак, кога би требало да се одлучи за некого од М2 кој врз него оставил најдо­бар впечаток, би ги издвоил Емил Арсов, Аднан и Елена Ристеска. Од македон­ската музичка сцена, несомнено би ги издвоил Тоше Проески, со кого, иако се немаат запознаено, учи во истото училиште, во кое што и Тоше некогаш оде­ше, како и сограѓанката Каролина Гочева.
Иднината на Димитар, несомнено ќе биде врзана со музиката, без оглед што и да се случи на финалето закажано за 7. декември. Ако не како пејач, тогаш како виолинист. А, од светот на инструменталистите, неговите најголеми идо­ли се Шеринг и Давид Ојстрах, како и легендарниот Јехуди Мењухин...
Дали Димитар Андоновски Ви Пее Убаво?